पाचोरा (अमोल झेरवाल)
डॉ सर्वपल्ली राधाकृष्णन ज्यांच्या जन्मदिनाचे अवचीत्य साधून दिनांक 6/10/2024 रोजी नैसर्गिक मानव अधिकार सुरक्षा परिषद फोरम यांचे तर्फे ग्रामीण भागातील विद्यार्थ्यांसाठी बहुमोल कार्य केल्याबद्दल ग्राम विकास विद्यालय पिंपळगाव हरेश्वर चे उपप्राचार्य पी ओ चौधरी व उल्हास पाटील, ग्राम विकास विद्यालय यांना ” डॉक्टर सर्वपल्ली राधाकृष्णन आदर्श शिक्षक पुरस्कार” धुळे, प्रदान करण्यात आले होते.
या पुरस्काराने सन्मानित झालेल्या शिक्षकांच्या कामगिरी चा आदर म्हणून पाचोरा भडगाव मतदार संघाचे आमदार किशोर पाटील यांनी दोघं आदर्श शिक्षकांना सन्मानित केले. यावेळी असंख्य शिवसैनिक व कार्यकर्ते उपस्थित होते. आ. किशोर पाटील यांनी आदर्श पुरस्कार प्राप्त शिक्षकांना भावी वाटचालीसाठी शुभेच्छा दिल्या.
महाराष्ट्रातील उत्तम कामगिरी केलेल्या शिक्षकांचा बहुमान म्हणून या पुरस्काराने सन्मानित केले जाते. हा पुरस्कार पिंपळगाव हरेश्वर येथील ग्राम विकास मंडळ संचलित ग्रामविकास हायस्कूल व ज्युनियर कॉलेजच्या शिक्षकांना मिळाल्याने पिंपळगाव हरेश्र्वर व परिसरात जनतेकडून शुभेच्छांचा वर्षाव सुरूच आहे.
